देवदह-५ का टोलहरूमा सिसिटिभी क्यामरा जडान हुँदै

सेतोमसी सहकर्मी

देवदह-५ का टोलहरूमा सिसिटिभी क्यामरा जडान हुँदै

अ +
अ
अ -

देवदह । देवदह नगरपालिका वडा नं ५ का टोलहरूमा सिसिटिभी क्यामरा जडान गर्ने कार्य सुरू भएको छ । टोलबासीलाई सुरक्षित गर्ने अभियान अन्तरगत टोलटोलमा सिसिटिभी क्यामरा जडान गरिएको वडा अध्यक्ष गणेश डुम्रेले जानकारी दिए ।

चालु आर्थिक वर्षमा वडाले विनियोजन गरेको ४ लाख र टोलविकास संस्थाहरूले उपभोक्ताको लागत सहभागीता अन्तरगत संकलन गरेको दुई लाख गरि ६ लाखको लागतमा सिसिटिभी क्यामरा जडान गरिएको वडा कार्यालयले जनाएको छ ।

पाल्पाली टोल विकास संस्थामा टोल विकासबाट यसअघि नै क्यामरा जडान भएको र चालु आर्थिक वर्षमा अन्य ४ वटा टोलमा क्यामरा जडान गरिने सिसिटिभी क्यामरा जडान उपभोक्ता समितिका अध्यक्ष झमन थापाले जानकारी दिए ।

अध्यक्ष थापाका अनुसार अहिले खैरेनी गोठादी मार्ग टोल विकास संस्थामा ५ वटा, सिद्धार्थ कलोनी टोल विकास संस्थामा ५ वटा, दुर्गानगर टोल विकास संस्थामा ३ वटा र मितेरी गाउँ टोल विकास संस्थामा ३ वटा गरि १६ वटा सिसिटिभी क्यामरा जडानको सुरू भएको छ ।

सिसिटिभी क्यामराको संरक्षण र त्यसको मोनिटरिङ्ग सम्बन्धित टोलविकास संस्थाले नै गर्ने गरि व्यवस्था मिलाइएको वडा कार्यालयले जनाएको छ ।

जम्मा २१ वटा टोल रहेको वडा नं ५ का बाँकी टोलमा आगामी आर्थिक बर्षको बजेटबाट क्यामरा जडान हुने नगर प्रवक्ता समेत रहेका वडा अध्यक्ष डुम्रेले जानकारी दिएका छन् ।