सेतोमसी सहकर्मी
सुर्खेत । सुर्खेतबाट कालिकोट जाँदै गरेको बोलेरो जीप दुर्घटना हुँदा चार जनाको मृत्यु र पाँच जना घाइते भएका छन् । बिहीबार बिहान २ बजे भे १ च २५६० नम्बरको बोलेरो जीप रातानाङ्गला नजिक दुर्घटना हुँदा चार जनाको मृत्यु र पाँच जना घाइते भएका हुन् ।
जीप सडकबाट ३ सय मिटर तल खसेको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले जानकारी दिए । उनका अनुसार जीप राति दुर्घटना भएपनि जानकारी नभएकाले अहिले प्रहरी घटनास्थलमा पुगेर उद्धार कार्य गरिरहेको बताए ।
उनले भने, ‘राति जीप दुर्घटना भएछ । हामीलाई जानकारी नै भएन । बिहानै मात्रै थाहा भएको हुँदा प्रहरी घटनास्थल पुगेर उद्वार भइरहेको छ । जिप के कसरी दुर्घटना भयो भन्नेर अहिले नै भन्न सकिन्न । गाडी भिरमा छ धेरै टाढा छ । रातिको समय र घुम्तीहरु धेरै भएको कारणले पनि घटना भएको होकि भन्ने छ ।’
जीपमा सवारको संख्या १० जना अनुमान गरिएको उनको भनाइ छ । दुईजना मृतक शव सडक ल्याइएको बाँकी दुई शव ल्याउने तयारी भइरहेको प्रहरी उपरीक्षक खड्काले जानकारी दिए । बाँकीको खोजी कार्य पनि भइरहेको उनले बताए ।
सेतोमसी सहकर्मी
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)