काठमाडौं । राष्ट्रिय स्वतन्त्र पार्टी (रास्वपा) ले भिजिट भिसा प्रकरणमा आफ्नो अडान कायम राखेको छ ।
सोमवार बिहान सत्तारूढ दल नेपाली कांग्रेसका नेताहरुसँगको छलफलमा रास्वपाले गृहमन्त्री रमेश लेखकको राजीनामा र भिजिट भिसा प्रकरणको छानबिनका लागि समिति गठनको अडानमा कायम रहेको हो । छलफलमा कांग्रेसबाट उपसभापति पूर्णबहादुर खड्का र रास्वपाबाट उपसभापति डा स्वर्णिम वाग्लेले छलफल गरेका थिए ।
सदनको अवरोध खुलाउनको लागि विपक्षीहरु लचिलो बनेको भनिएपनि रास्वपाको अडान कायम रहेपछि आज पनि संसदको अवरोध हट्ने बारे अन्योलता बढेको छ ।
आइतवार प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डले भाषा मिलाएर सहमति गरिने दाबि गरेका थिए ।
स्रोतका अनुसार रास्वपाले जेठ २८ गते सर्वोच्च अदालतमा हुने संबैधानिक आयोगका पदाधिकारी बारेको फैसलासम्म संसदको अवरोध कायम राख्ने रणनीतिमा रहेको बताइएको छ ।
रास्वपा आफ्नो अडानमा कायम रहेपनि प्रमुख प्रतिपक्षी दल नेकपा माओवादी केन्द्र र एकीकृत समाजवादी भने संसदको अवरोध खुलाउन सकारात्मक बनेका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)