काठमाडौँ । भारतको अहमदावादमा भएको एयर इन्डियाको विमान दुर्घटना बारे नयाँ अपडेट आइरहेका छन् ।
यसैबीच विमान दुर्घटनाको अन्तिम समयमा पाइलटले बोलेको कुरा बाहिर आएको छ । विमानका पाइलट सुमित सभरवालले एयर ट्राफिक कन्ट्रोलर (एटीसी) लाई पठाएको अन्तिम सन्देश सार्वजनिक भएको हो । ४-५ सेकेन्डको सन्देशमा, सुमितले भनेका थिए- 'मे डे, मे डे, मे डे...नो पावर, नो थ्रस्ट, गोइङ डाउन', अर्थात पावर छैन, विमान माथि जादै छैन, अब तल जादैछौँ ।
विमान दुर्घटनामा अहिलेसम्म २७५ जनाको निधन भएको छ । जसमा विमानमा यात्रा गरिरहेका २४१ र अन्य ३४ जनाको मृत्यु भएको भारतीय मिडियाहरुले उल्लेख गरेका छन् । विमान अहमदावादस्थित बिजे मेडिकल कलेजको होस्टेलमा खस्दा होस्टेलमा रहेका डाक्टर र उनीहरुको परिवार हताहत भएका थिए ।
यस दुर्घटनामा विमानमा सवार भारतीय मुलका बेलायती नागरिक विश्वास कुमार रमेश मात्र सकुशल रहेका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)