सुनवल । पश्चिम नवलपरासी सुनवल नगरपालिका ७ सिसाहानीमा निशुल्क स्वास्थ्य एवम् आँखा शिविर सञ्चालन हुने भएको छ ।
आउने माघ ८ गते सिसाहानिमा शिविर सञ्चालन हुने साथी फार्मेसीका सञ्चालक केशव गैरेले जानकारी दिए । सुनवल क्षेत्रमा स्वास्थ्यको समस्या भएका नागरिकलाई मध्यनजर गरेर स्वास्थ्य शिविरको आयोजना गर्न लागेको उनले बताए ।
शिविरमा पुरा शरीर परीक्षण तथा आँखाका बिरामीहरूको चेकजाँच गरिने छ भने उनीहरूलाई आवश्यकता अनुसारको औषधि निशुल्क वितरण गरिने फार्मेसीस्ट गोविन्द अर्यालले जानकारी दिए ।
अर्यालका अनुसार वडा ७ नजिक कारखाना भएका कारण कारखानामा कार्यरत कर्मचारी र अन्य नागरिकलाई विभिन्न स्वास्थ्यका बारेमा सचेत गराउने र समस्या भएकाहरूको उपचारमा पहुँच पुर्याउने उद्देश्यले शिविरको आयोजना गर्ने तयारी भएको हो ।
स्वास्थ्यलाई त्यति ध्यान नदिँदा विभिन्न खालका समस्याहरू आइरहेकाले ती समस्याहरूको समाधानका लागि शिविरले सहयोग पुग्ने विश्वास समेत गरिएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)