ब्रेन ट्युमरबाट पिडित विरामीलाई मगरसंसार फोटो ग्यालरीले जुटायो एक लाख बढी सहयोग

सेतोमसी
माघ ९, २०७८ आइतवार

ब्रेन ट्युमरबाट पिडित विरामीलाई मगरसंसार फोटो ग्यालरीले जुटायो एक लाख बढी सहयोग

अ +
अ
अ -

देवदह । सामाजिक संजाल फेसबूकलाई उपयोग गरि सामाजिक कार्यहरूमा सक्रिय हुँदै आएको मगर संसार फोटो ग्यालरीले देवदहस्थित एक विरामीलाई आर्थिक सहयोग गरेको छ । शनिबार एक कार्यक्रम विच ब्रेन ट्युमरका बिरामी आयुष थापाको परिवारलाई मगरसंसार फोटो ग्यालरी ग्रुपले १ लाख २ हजार ३८१ रुपैया आर्थिक सहयोग गरेको हो ।

मगर संसार फोटो ग्यालरीका संस्थापक अध्यक्ष अनिल लामिछाने मगरको पहलमा देश तथा विदेशमा रहेका नेपालीहरूबाट संकलित रकम विरामीका आफन्तलाई हस्तान्तरण गरिएको सो ग्रुपका एडमिन अमिर मगरले बताए । सो ग्रुपमा अनुसार यस अघि विभिन्न व्यक्तिलाई यस्तै प्रकारका ९४ जनालाई सहयोग गरिएको बताउँदै आयुष मगरलाई गरिएको सहयोग ९५औं भएको बताईएको छ ।

बिगत १ बर्ष देखि ब्रेन ट्युमरका बिरामी भएका आशिषलाई सुरुमा युनिभर्सल मेडिकल कलेज भैरहवामा भर्ना गरि उपचार गराइएको र डाक्टरले दिमागमा पानी जमेको बताए पछि हाल भारतको हरियाणामा उपचार भइरहेको छ ।

रकम हस्तान्तरण कार्यक्रममा नेपाल मगर संघ,देवदह नगर समितिका अध्यक्ष शोभा कुमारि थापा, नेपाल मगर युवा संघका पुर्व सह-सचिब बिनोद थापा मगर,नेपाल मगर युवा संघका अध्यक्ष भुवन खासु मगर,समाजसेवी किशन बहादुर थापा, केश बहादुर लामिछाने, शान्ति थापा मगर लगायतको सहभागिता रहेको थियो ।

मगर संसार फोटो ग्यालरीका एडमिन अमिर मगरको अध्यक्षता र नेपाल मगर संघ,देवदह नगर समितिका कोषाध्यक्ष मीलन मास्की राना मगरको संचालनमा सहयोग रकम हस्तान्तरण गरिएको थियो ।