काठमाडौँ । अख्तियार दुरुपयोग अनुसन्धान आयोगले घुस लिएको आरोपमा तीन जना सरकारी कर्मचारीलाई नियन्त्रणमा लिएको छ ।
आयोगले सघन शहरी तथा भवन निर्माण आयोजना, धनकुटामा कार्यरत इन्जिनियर सुमन राई, लेखा अधिकृत इन्द्रबहादुर कार्की र सब-इन्जिनियर रविन श्रेष्ठले भोजपुरको टेम्केमैयुङ गाउँपालिका–५ स्थित विद्यालय भवन निर्माणको अन्तिम भुक्तानी प्रक्रिया अघि बढाउन सेवाग्राही लिएको घुस रकमसहित पक्राउ गरेको छ ।
उजुरीका आधारमा गरिएको कारबाहीमा सेवाग्राहीबाट ८५ हजार रुपैयाँ घुस लिइसकेको अवस्थामा तिनै जना पक्राउ परेको अख्तियारले जानकारी दिएको छ ।
आयोगको टंगालबाट खटिएको टोलीले सुमन राईलाई ललितपुरबाट नियन्त्रणमा लिएको हो भने इटहरी कार्यालयबाट खटिएको टोलीले अन्य दुई जनालाई धनकुटा र भोजपुरबाट पक्राउ गरेको जनाएको छ ।
पक्राउ परेकाहरूबाट घुस रकम, तीन थान मोबाइल र सम्बन्धित कागजातसमेत बरामद गरिएको छ । आयोगले घटनाबारे थप अनुसन्धान भइरहेको जनाएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)