गुल्मी । गुल्मीको धुर्कोट गाउँपालिकाले आगामी ५ वर्षमा जनताका हरेक घरको बीमा, विद्युतीय चुलो, प्राविधिक शिक्षाका लागि छात्रवृत्ति र असहायलाई आवासीय शिक्षा दिने काम प्राथमिकतामा राखेर सम्पन्न गर्ने भएको छ ।
दोस्रो कार्यकालका लागि निर्वाचित अध्यक्ष भुपाल पोखरेलले सोमबार पदभार ग्रहण गर्दै जनजिविकासँग जोडिएका मुख्य चार कुरालाई प्राथमिकतामा राखेर सम्पन्न गर्ने निर्णय लिएका हुन् ।
उनले जनतालाई विद्युतीय चुलोमा ५० प्रतिशत छुट दिने व्यवस्था मिलाउने विषयलाई पहिलो प्राथमिकतामा राखेर कार्यान्वयन गर्ने बताएका छन् ।
त्यस्तै दलित परिवारका छोराछोरीलाई एसईईपछिको ३ वर्षे प्राविधिक शिक्षामा १० जना विद्यार्थीहरुलाई छात्रबृत्ति र बुबाआमा गुमाएका २० जना विद्यार्थीलाई कक्षा १२ सम्म आवासीय शिक्षा सुनिश्चित गर्ने पनि आफ्नो प्राथमिकतामा रहेको पोखरेलले बताए ।
प्राकृतिक विपत्तिबाट हुने क्षतिलाई राहत दिन हरेक घरको बीमा गर्न ५० प्रतिशत अनुदान दिनेकार्यलाई प्राथमिकतामा राखेर कार्यान्वयन गर्ने लगायतका विषय प्राथमिकतामा रहेको उनको भनाइ छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)