देवदह । देवदह नगरपालिकाले बच्चा जन्मिएको ३५ दिनभित्र जन्मदर्ता गरेमा उपहार दिने भएको छ । अभिभावकलाई समयमै बालबालिकाको जन्मदर्ता गराउन उत्प्रेरित गर्ने उद्धेश्यले 'बेबी केयर गिफ्ट' अभियान सुरू गरिएको देवदह नगरपालिकाका प्रवक्ता गणेश डुम्रेले जानकारी दिए ।
"समयमै जन्मदर्ता कानुनी आधार, बालबालिकाको स्वस्थ्यको लागि उपहार" नारा दिईएको उक्त अभियान अन्तर्गत समयमै जन्मदर्ता गर्ने अभिभावकलाई 'हिमालय ब्राण्डको हेप्पी बेबी गिफ्ट प्याक' निशु;क प्रदान गरिने नगरपालिकाले जनाएको छ ।
समयमै जन्मदर्ता नगराईदा पछि बच्चाले अनेक झन्झटको सामना गर्नुपर्ने भएकोले बालमैत्री स्थानिय शासनकै एउटा महत्वपूर्ण अभियानको रूपमा देवदहका सबै वडामा अभियान संचालन हुने र आज एक कार्यक्रमबीच वडा नम्बर ५ बाट अभियानको सुरुवात गरिने वडा नं ५ का अध्यक्ष समेत रहेका प्रवक्ता डुम्रेले जानकारी दिए ।
चालु आर्थिक वर्षमा यस अभियानको लागि नगरपालिकाले पाँच लाख बिनियोजन गरेको छ । 'बेबी केयर गिफ्ट' अभियानले कम्तिमा थप ३५ प्रतिशत बालबालिकाको जन्मदर्ता समयमै हुने लक्ष्य नगरपालिकाले लिएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
