काठमाडौं । सिद्धार्थ बैंक प्रिमियर लिग (एनपिएल) को तेस्रो खेलमा कर्णाली याक्सले जनकपुर बोल्ट्सलाई १४२ रनको लक्ष्य दिएको छ ।
टस जितेर पहिले ब्याटिङ गरेको कर्णाली याक्सले निर्धारित ओभरमा ७ विकेट गुमाउँदै १४१ रन बनायो ।
कर्णाली याक्सका कप्तान सोमपाल कामी र अर्जुन घर्तीले अन्तिम दुई ओभरमा आक्रामक ब्याटिङ गरे ।
कप्तान कामी २९ र अर्जुनले ३३ रनको आक्रामक पारि खेले । यस्तै गुल्शन कुमार झाले सर्वाधिक ३६ रन बनाए ।
कर्णाली याक्सका ओपनर देव खनाल १ रनमा आउट भएका थिए भने अर्का ओपनर शिखर धवन १४ रनमा पेभिलियन फर्किए ।
चाडविक वाल्टनले ८ रन बनाउँदा बाबर हायतले १२ रनको योगदान दिए । जिशान मकसूद शून्य रनमा आउट भए ।
सोमपाल कामी २९ र नन्दन यादव शून्य रनमा नट आउट रहे ।
जनकपुर बोल्ट्सका मोहम्मद मोहसिनले सर्वाधिक दुई विकेट लिए । किशोर महतो, ललितनारायण राजवंशी, हर्ष थाकेर र जेम्स निशमले समान १–१ विकेट लिए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)