काठमाडौं । सिद्धार्थ बैंक नेपाल प्रिमियर लिग (एनपिएल)मा पोखरा एभेञ्जर्सले लज्जास्पद हार बेहोरेको छ ।
चितवन राइनोजले दिएको १६२ रनको लक्ष्य पछ्याएको पोखरा एभेञ्जर्स १३.२ ओभरमा ७४ रनमा अल आउट भएको हो ।
सोहेल तनवीर र रिजन ढकालले घातक बलिङ गर्दा पोखरा एभेञ्जर्स ७४ रनमा समेटिएको हो ।
पोखरा एभेञ्जर्सलाई सस्तैमा समेट्न सोहेल, रिजन र लुक बेन्केनस्टाइनले समान ३–३ विकेट लिए । दीपक बोहराले १ विकेट लिए ।
पोखरा एभेञ्जर्सका लागि नारायण जोशीले ३० रन बनाउनु बाहेक अन्य ब्याटरले दोहोरो अङ्कमा रन बनाउन सकेनन् ।
पोखराका म्याट क्रिचले बनाएको १७ रन नै पोखराको दोस्रो ठुलो रन हो । कप्तान कुशल भुर्तेल शून्य रनमा आउट भए ।
दिनेश खरेल १ रनमा आउट हुँदा दिलीप नाथले ४ रन जोडे । बास डे लीडे शून्य रनमा आउट हुँदा किरण ठगुन्ना १ रनको योगदान गरे ।
रेमन रेफरले १ रनको योगदान दिँदा माइकल लीस्क शून्य रनमा आउट भए । विपिन खत्री ९ रनमा आउट हुँदा सागर ढकाल शून्य रनमा नट आउट रहे ।
त्यसअघि टस हारेर पहिले ब्याटिङ गरेको चितवन राइनोजले निर्धारित ओभरमा ७ विकेट गुमाउँदै १६१ रन बनायो ।
चितवन राइनोजका लागि रवी बोपाराले अर्ध शतक बनाए । उनले ३८ बलमा ५१ रन बनाए ।
राइनोजका कप्तान कुशल मल्लले ३८ रनको आक्रामक पारि खेले । ओपनर हसन इसाखिलले १४ रन बनाए । अर्का ओपनर दीपक बोहरा २ रन बनाएर आउट भए ।
लुक बेन्केनस्टाइनले १६ रन बनाए भने सन्तोष कार्कीले ११ रनको योगदान दिए ।
शरद भेषवाकर ११ र अमर रौटेला १३ रनमा नट आउट रहे ।
पोखरा एभेञ्जर्सका विपिन खत्री, बास डे लीडे र रेमन रेफरले समान २–२ विकेट लिए । स्पिनर सागर ढकालले १ विकेट लिए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)