जनकपुरको लगातार तेस्रो जित, पोखरा ७ विकेटले पराजित

सेतोमसी
मंसिर २०, २०८१ बिहिवार

जनकपुरको लगातार तेस्रो जित, पोखरा ७ विकेटले पराजित

अ +
अ
अ -

काठमाडौं । नेपाल प्रिमयर लिग (एनपिएल) मा जनकपुर बोल्टस‍्ले लगातार तेस्रो खेलमा जित हासिल गरेको छ।

१७.१ ओभरमै ३ विकेट गुमाएर जनकपुरले पोखराले दिएको १ सय ३९ रनको लक्ष्य पूरा गरेको हो।

उत्कृष्ट सुरुवात गरेको जनकपुरका लागि आसिफ शेख र लाहिरु मिलन्थाले दोस्रो विकेटका लागि ७२ रनको साझेदारी गर्दै टिमको जितको आधार तयार गरेका थिए।

१० रनको अवस्थामा अनिल साहालाई पहिलो विकेटका रुपमा गुमाएको जनकपुरका लागि लाहिरु मिलन्थाले ३२ बलमा ४५ रन जोडे। त्यस्तै आसिफ साहाले ३३ रन बनाउँदा हर्ष थोकर १३ रनमा अविजित रहे।

त्यस्तै, जेम्मि निशमले २० बलमा ४० रनको विष्फोटक इनिङ खेले। उनले आफ्नो इनिङमा ५ छक्का प्रहार गरेका थिए। पोखरका लागि विपिन खत्री र माइकल लिस्क र कुशल भुर्तेलले समान १-१ विकेट लिए।

त्यसअघि टस हारेर पहिले ब्याटिङ गरेको पोखराले निर्धारित २० ओभरमा ७ विकेट गुमाएर १ सय ३८ रन बनाएको थियो। पोखराका लागि मार्कुस क्रिच्लीको ३५ रन सर्वाधिक रह्यो। त्यस्तै एन्ड्रिस गौस २० रनमा आउट हुँदा दिनेश खरेल १० रन बनाएर आउट भए।

त्यस्तै दिलिप नाथ ११ रनमा पेभिलियन फर्किएका थिए। त्यस्तै रेमन रेइफर १७ रनमा आउट हुँदा माइकल लिस्क २५ रन बनाएर आउट भएका थिए। कप्तान कुशल भुर्तेल लगातार दोस्रो खेलमा चल्न सकेनन्। उनी ६ रनमा पेभिलियन फर्किएका थिए।

जनकपुरका लागि ललित राजवंशीले ३ विकेट लिंदा जेमि निशमले २ तथा मोहम्मद मोहसिन र किशोर महतोले १ विकेट लिए।