काठमाडौं । सिद्धार्थ बैंक नेपाल प्रिमियर लिग(एनपिएल)मा विराटनगर किंग्सले चितवन राइनोजलाई १ सय ८२ रनको लक्ष्य दिएको छ ।
टस जितेर पहिले ब्याटिङ गरेको विराटनगर किंग्सले निर्धारित ओभरमा ५ विकेट गुमाउँदै १८१ रन जोड्यो ।
विराटनगर किंग्सका बसिर अहमदले आक्रामक ब्याटिङ गरे । बसिरले नट आउट ६८ रनको आक्रामक पारि खेले । ४३ बल सामना गरेका उनले ४ चौका र ४ छक्का प्रहार गरे ।
मार्टिन गुप्टिलले ४५ रन बनाए । उनले ३५ बलमा ४ छक्का र १ चौका प्रहार गरे ।
राजेश पुलामी मगरले पनि ३३ रनको आक्रामक ब्याटिङ गरे । उनले २० बलमा ३ छक्का र १ चौका हिर्काए ।
ओपनर लोकेश बम शून्य रनमा बोल्ड हुँदा स्कट एडवर्ड्स पनि शून्य रनमा क्याच आउट भए ।
दीपक बोहराले ४ र निकोलस किर्टनले ८ रनको योगदान दिए ।
बलिङमा भने चितवनका रिजन ढकालले सर्वाधिक २ विकेट लिए । सोहेल तनवीर, बासिल हमिद, कुशल मल्लले समान १–१ विकेट लिए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)