देवदह । देवदहस्थित केरवानी माध्यमिक विद्यालयको विद्यालय व्यवस्थापन समितिको निर्वाचनमा संयुक्त गठबन्धन विजयी भएको छ । निर्वाचनमा नेपाली कांग्रेस र नेकपा माओवादी केन्द्रको संयुक्त गठबन्धनको प्यानल नै विजयी भएको हो ।
अन्तिम मतगणना अनुसार खुल्ला सदस्यतर्फ संयुक्त गठबन्धनका विरेन्द्र पाण्डेले ३६४ र धनकुमारी सापकोटाले ३५७ मत ल्याएर विजयी भएका छन् । त्यसैगरि महिला सदस्य तर्फ गठबन्धनकै पदमकुमारी रिजालले ३६८ मत र सीता काफ्लेले ३६३ मत ल्याएर जित हासिल गरेका छन् ।
त्यसैगरी, नेकपा एमाले प्यानलबाट खुल्ला उम्मेदवार बनेका देवी प्रसाद न्यौपानेले २५३ मत र बालानन्द न्यौपानेले २४४ मत तथा महिलातर्फ दिलमाया सुनारले २३९ मत र माया भण्डारीले २३९ मत ल्याएका छन् ।
कुल ६६५ मत खसेको निर्वाचनमा ४२ मत बदर भएको विद्यालयका प्रधानाध्यापक दुर्गादत्त शर्माले बताएका छन् ।
प्यानल नै विजयी भएपछि विद्यालय व्यवस्थापन समितिको अध्यक्ष सहित सबै पदमा गठबन्धन आउने लगभग पक्का भएको छ भने नेकपा एमाले विद्यालय व्यवस्थापनको समितिबाट बाहिरीने भएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)