साहित्य

अनुरागले गर्यो साहित्य भेटघाटसंगै ध्यान तथा रचना वाचन कार्यक्रम

सेतोमसी
जेठ १४, २०८३ बिहिवार

अनुरागले गर्यो साहित्य भेटघाटसंगै ध्यान तथा रचना वाचन कार्यक्रम

अ +
अ
अ -

देवदह । अनुराग साहित्य समाज नेपालले रचना वाचन, ध्यान तथा साहित्यिक भेटघाट कार्यक्रम गरेको छ । देवदह स्थित ऐतिहासिक मंगल पुष्करिणी दहमा विहिबार कार्यक्रम भएको हो ।

कार्यक्रममा प्रगल्भा सिन्धुलिया, प्राञ्जल सिन्धुलिया, कोहिनूर ढुंगाना, पूजा ढुङ्गाना, रीता पराजुली, शिवप्रसाद काफ्ले, जानुका लम्साल, शुशिला न्यौपाने, भगवती तिवारी शर्मा, मधु भण्डारी, दीप मिलन, उमाकान्त अधिकारी लगायतले रचना वाचन गरे ।

कार्यक्रममा बोल्दै वडा नं ९ का अध्यक्ष मोहनबहादुर जिसीले समाजको सर्वाङ्गिण विकासमा साहित्य र साहित्यकारहरूको संलग्नता तथा प्रयास अर्थपूर्ण हुने बताए । मंगलपुष्करिणीको संरक्षणमा यस्ता कार्यक्रमले महत्वपूर्ण भुमिका निर्वाह गर्ने समेत उनले उल्लेख गरे । वडा अध्यक्ष जिसीले ऐतिहासिक मंगल पुष्करिणी दहको संरक्षण र सम्वद्र्धन हेतु हुने जुनसुकै साहित्यिक कार्यक्रमका लागि वडाले पूर्ण सहयोग गर्ने प्रतिबद्धता व्यक्त गरे ।

समाजका संस्थापक अध्यक्ष निर्मल ढुङ्गानाले स्रष्टाहरूलाई योग र ध्यानको संक्षिप्त जानकारी गराउँदै ध्यानसहितको साधनाले सफलता मिल्ने विश्वास व्यक्त गरे ।

आगामी दिनहरूमा अनुरागले पृथक कार्यक्रम गर्ने योजना सुनाउँदै समाजकी अध्यक्ष सरस्वती बस्यालले त्यसमा सबैलाई जोड्ने योजना रहेको प्रष्ट पारिन् । प्राचीन देवदहको प्रचारप्रसारमा कार्यक्रम महत्वपूर्ण रहेको सीता माविका प्रधानाध्यापक अधिकारीले बताए । समाजका सह सचिव दीप मिलनको सञ्चालनमा सम्पन्न भएको हो ।