निर्माण बहुउद्देश्यीय सहकारीको दशौँ बार्षिक साधारण सभा सम्पन्न

राहुल देव सापकोटा
मंसिर १७, २०७९ शनिवार

निर्माण बहुउद्देश्यीय सहकारीको दशौँ बार्षिक साधारण सभा सम्पन्न

अ +
अ
अ -

देवदह । देवदहस्थित निर्माण बहुउद्देश्यीय सहकारी संस्थाको दशौँ बार्षिक साधारण सभा सम्पन्न भएको छ । शनिबार शितलनगरस्थित दुर्गा पन्चायान मन्दिरको प्रांगणमामा संस्थाले दशौँ साधारण सम्पन्न गरेको हो ।

कार्यक्रममा बोल्दै देवदह नगरपालिकाका कार्यवाहक नगरप्रमुख विद्यालक्ष्मी गुरुङले सहकारीले देवदहको कृषि तथा सामाजिक विकासमा पुर्याएको योगदानको प्रशंसा गर्दै बहुउद्देश्यीय सहकारीको उद्देश्यलाई आत्मसात गर्दै कार्यसम्पादन गरेकोमा धन्यवाद व्यक्त गरिन् । सहकारीहरूले अबलोकन भ्रमण गर्ने गरेको सोही अनुरूप आफुलाई व्यवस्थित गर्दै लैजानुपर्नेमा जोड दिईन् । सहकारीका शेयर सदस्यहरूले आफुले लगानी गरेको रकम के काममा प्रयोग भएको छ भन्नेबारे ज्ञान राख्न जरुरी रहेको उल्लेख गर्दै नागरिकको लगानी सहि ठाउँमा प्रयोग गर्नुपर्ने बताइन् ।

कार्यक्रममा देवदह नगरपालिका वडा नं. ७ का अध्यक्ष कृष्ण प्रसाद अधिकारी, विभिन्न सहकारी संस्थाका प्रतिनिधि लगायतले शुभकामना मन्तव्य राखेका थिए ।

कार्यक्रममा अध्यक्ष मोतिलाल ढकालले पेश गरेको बार्षिक प्रतिवेदन र आगामी कार्ययोजना सर्वसम्मत पारित भएको सहकारीका व्यवस्थापक सुशिला भण्डारीले जानकारी दिईन् ।