युरोकप फुटबल १६ औं संस्करण

इटाली युरोकप फुटबलको नकआउट चरणमा प्रवेश

सेतोमसी
आषाढ ३, २०७८ बिहिवार

अ +
अ
अ -

३ असार एजेन्सी । इटाली १६ औं संस्करणको युरोकप फुटबलको नकआउट चरणमा प्रवेश गरेको छ । रोममा भएको खेलमा जित निकाल्दै इटाली युरोकप फुटबलको यो संस्करणमा अन्तिम १६ मा प्रवेश गर्ने पहिलो टोली पनि बनेको छ ।

बुधबार राति भएको समूह चरणको दोस्रो खेलमा स्विजरल्याण्डलाई ३–० गोल अन्तरले पराजित गर्दै इटाली नकआउट चरणमा प्रवेश गरेको हो । इटाली समूहको शीर्ष स्थानमा रहेको छ । इटालीले २ खेलमा ६ अंक जोडेको छ ।

वेल्स बलियो दावेदारी
यस्तै समूह ए को सबैभन्दा कमजोर मानिएको टिम टर्कीमाथि जित निकाल्दै वेल्स नकआउट नजिक पुगेको छ ।
बुधबार राति भएको खेलमा वेल्सले टर्कीलाई २–० गोल अन्तरले पराजित गर्न सफल भएको हो । बाकु ओलम्पिक स्टेडियममा वेल्सलाई जित दिलाउन आरोन राम्से र कोनर रोबर्ट्सले एक एक गोल गरे ।

यस जितसँगै समूह ए को वेल्स २ खेलमा ४ अंक जोडेर राउन्ड अफ सिक्सटिनका लागि बलियो दावेदारी दिएको छ । वेल्सले स्वीट्जरल्याण्डसँग १–१ गोलको बराबरी खेलेको थियो ।

रुसले फिनल्यान्डलाई हरायो
युरोकप फुटबलअन्तर्गतनै समूह बी को खेलमा रुस विजयी भएको छ । बुधबार बेलुका भएको खेलमा रुसले फिनल्याण्डमाथि १-० को जित दर्ता गरेको हो । प्रतियोगितामा रुसको यो पहिलो जित हो । उसका लागि पहिलो हाफको इन्जुरी समयको दोस्रो मिनेटमा अल मिरान्चुकले गरेको गोल नै निर्णायक बन्यो ।
पहिलो खेलमा विजयी भएको फिनल्याण्ड दोस्रो खेलमा भने परातिज भयो । पहिलो खेलमा फिनल्याण्डले डेनमार्कलाई १–० ले पराजित गरेको थियो ।