युरोकप फुटबल १६ औं संस्करण

स्पेनका दुई खेलाडी पेनाल्टीमा चुक्दा इटली युरोकपको फाइनलमा

सेतोमसी
आषाढ २३, २०७८ बुधवार

स्पेनका दुई खेलाडी पेनाल्टीमा चुक्दा इटली युरोकपको फाइनलमा

अ +
अ
अ -

स्पेनका दुई खेलाडी पेनाल्टीमा चुक्दा इटली युरोकपको फाइनलमा

२३ असार, एजेन्सी । उपाधिको दावेदार मानिएको स्पेनलाई पेनाल्टी सुटआउटमा ४-२ ले हराउदै इटली युरोकप २०२० को फाइनलमा प्रवेश गरेको छ ।

लन्डनस्थित वेम्बली स्टेडियममा भएको प्रतिस्पर्धात्मक खेलमा ९० मिनेटको निर्धारित समयमा दुवै टोलीले एक एक को बराबरी गरेपछि खेल अतिरिक्त समयमा धकेलिएको थियो। अतिरिक्त समयमा पनि दुवै टोलीले गोल गर्न नसकेपछि खेल पेनाल्टी सुटआउटबाट गएको थियो। इटालीले पेनाल्टी सुटआउटमा ३–१ ले हराउँदै सेमिफाइनलमा स्थान बनाएको थियो।

पेनाल्टीमा इटालीका आन्द्रे बेलोट्टी, लियोनार्दो बुनिची, फेडेरिको र जोर्गिन्होले गोल गरे। म्यानुएल लोकाटेलीले गोल गर्न सकेनन्।
स्पेनका मोरेनो जेरार्ड र थियागो अल्कान्टाराले गोल गरे। तर, डानिल ओल्मो र अल्भारो मोराटाले गोल गर्नबाट चुके ।

त्यस अघि खेलको ६० औं मिनेटमा फेडेरिको चिएसाले गोल गर्दै इटालीलाई अग्रता दिलाएका थिए। तर, खेलको ८० औं मिनेटमा परिवर्तित खेलाडी अल्भारो मोराटाले गोल गर्दै स्पेनलाई १-१ गोलको बराबरीमा फर्काए।

इटालीले क्वाटरफाइनलमा फिफा वरीयताको शीर्ष टिम बेल्जियमलाई २-१ गोल अन्तरले हराउँदै सेमिफाइनलमा स्थान बनाएको थियो।
स्पेनले क्वाटरफाइनलमा स्विट्जरल्यान्डलाई पेनाल्टी सुटआउटमा ३-१ गोल अन्तरले पराजित गरेको थियो।

अब इटालीले उपाधिका लागि इंग्ल्यान्ड र डेनमार्कबीचको विजेतासँग खेल्नेछ । इंग्ल्याण्ड र डेनमार्कको खेल आज राति नेपाली समय अनुसार १२ : ४५ बजे हुनेछ ।