नविन लुईंटेल, देवदह । देवदहमा मदिरा कारोबार र सेवनमा कडाई गरिएको छ । नगरपालिको वडा नं ११ ले मदिरा कारोबार र सेवनमा कडाई गर्दै हरेक दिन साँझ ४ देखि ७ बजेसम्म मात्र मदिरा किनबेच र सेवन गर्न पाईने निर्णय गरेको छ ।
मंगलबार वडा अध्यक्ष दुधनाथ यादवको अध्यक्षतामा स्थानिय टोल विकास संस्थाका पदाधिकारी, प्रहरी प्रशासनसहित बसेको बैठकले नियम विपरीत मदिराजन्य पदार्थको कारोबार र सेवन गरे विक्री गर्नेलाई एक हजार र सेवन गर्नेलाई पाँच सय रूपैयाँ जरिवाना गर्ने निर्णय समेत गरेको छ ।
मदिराको प्रयोगले स्वास्थ्यमा हानीसंगै पारिवारिक र सामाजिक सद्भावमा समेत आँच पुर्याउने भएकोले कारोबार र सेवनमा कडाई गरिएको अध्यक्ष दुधनाथ यादवले जानकारी दिए । सेतोमसीसंग कुरा गर्दै उनले भने, "मान्छेहरू राती अबेरसम्म दारुपानीमा झुम्ने, झैझगडा गर्ने र शान्ति सुरक्षामा खलल पुर्याउने भएकोले यस्तो निर्णय लिईएको हो ।"
वडाले गरेको निर्णय नगरपालिकालाई पठाईने र कार्यान्वयन गरिने वडा कार्यालयले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
