देवदह । नेकपा (माओवादी केन्द्र) निकट विद्यार्थी संगठन अखिल (क्रान्तिकारी)को देवदह नगर अध्यक्षमा रविन न्यौपाने चयन भएका छन । मंगलबार देवदहको सहिद स्मृति प्रतिष्ठानमा सम्पन्न संगठनको दोस्रो नगर सम्मेलनले न्यौपानेको नेतृत्वमा १७ सदस्यीय नयाँ समिति निर्वाचित गरेको संगठनका निवर्तमान नगर अध्यक्ष शिव काफ्लेले जानकारी दिए ।
जसको उपाध्यक्षमा मेलिना भुसाल, सचिवमा सन्ध्या सिंजाली, सहसचिवमा कुशल भण्डारी र कोषाध्यक्षमा अन्जु कुमारी विक सहित सदस्यहरू रहेको संगठनले जनाएको छ ।
सम्मेलनको उद्घाटन सत्रमा बोल्दै अखिल क्रान्तिकारीका केन्द्रिय सदस्य सौरभ भुसालले विद्यालय र क्याम्पसमा हुने बेथितिको विरूद्ध लड्ने विद्यार्थी संगठन अखिल क्रान्तिकारी रहेको दावी गरे । माटो सुहाउँदो शिक्षा र विद्यार्थीको हकहितमा आवाज उठाउने र लड्ने संगठन क्रान्तिकारी भएको जिकिर गर्दै उनले क्रान्तिकारी नै विद्यार्थी आन्दोलनको नेता संगठन भएको तर्क गरे ।
सम्मेलनमा माओवादी नेताहरू मोतीलाल ढकाल, गोविन्द ठटराई, क्रान्तिकारीका जिल्ला अध्यक्ष कपिल चापागाईं लगायतले बोलेका थिए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)