देवदह । आसन्न स्थानीय तहको निर्वाचनमा देवदहमा गठबन्धन गर्ने विषयमा यहाँ क्रियाशिल सत्तारूढ पाँच दल सहमत भएका छन् । बिहीबार देवदहमा बसेको गठबन्धन दलको बैठकले गठबन्धन संयन्त्र निर्माण गर्दै एकताबद्ध भएर निर्वाचनमा जाने निर्णय गरेको हो ।
बैठकले स्थानीय तह निर्वाचनमा नगरस्तरमा गठबन्धन कायम गर्ने निर्णय गर्दै त्यसको लागि संयन्त्र निर्माण गरेको नेकपा माओवादी केन्द्रका जिल्ला सदस्य मोतिलाल ढकालले बताए । ढकालका अनुसार नेपाली कांग्रेसका नगर सभापती गुनाखर भुर्तेलको संयोजकत्वमा ५ सदस्यीय कार्यदल बनाईएको छ । जसको सदस्यहरूमा माओवादी केन्द्रका नगर अध्यक्ष गोविन्द ठटराई, एकीकृत समाजवादीका नगर अध्यक्ष टंक पोखरेल, राष्ट्रिय जनमोर्चाका नगर इन्चार्ज भिमलाल न्यौपाने र जनता समाजवादीका नगर संयोजक रमेश पाण्डेय रहेका छन् ।
बैठकमा गठबन्धन पार्टीका नगर पदाधिकारी तथा देवदहमा रहेका जिल्ला र प्रदेश तहका नेताहरूको उपस्थिति रहेको जनाईएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
