एकीकृत समाजवादी देवदहको ६८ बुँदे घोंषणा पत्र, पार्कको शहरदेखि गाईभैसी सुत्केरी भत्तासम्म

सेतोमसी
बैशाख १९, २०७९ सोमवार

एकीकृत समाजवादी देवदहको ६८ बुँदे घोंषणा पत्र, पार्कको शहरदेखि गाईभैसी सुत्केरी भत्तासम्म

अ +
अ
अ -

देवदह । नेकपा (एकीकृत समाजवादी) देवदहले स्थानीय तह निर्वाचन २०७९ को घोषणा पत्र सार्वजनिक गरेको छ । सोमबार नगर पार्टी कार्यालयमा पत्रकार सम्मेलन गर्दै नगरप्रमुख पदका उम्मेदवार छवि भट्टराईले घोषणा पत्र सार्वजनिक गरेका हुन् ।

तत्कालीन, मध्यकालीन र दीर्घकालिन गरि तीन चरणको योजना प्रस्तुत गर्दै भट्टराईले देवदहलाई पार्कहरूको शहर बनाउनेदेखि आफ्नो टोल आफै बनाउँनेसम्मका योजना अघि सारेका छन् । आफू विजयी भएमा शिक्षा, कृषि, स्वास्थ्य, खेलकुद, उद्योग, पुर्वाधार, पर्यटन र शान्ति सु-व्यवस्थाको लगायतका शिर्षकमा गर्ने कामहरूको सूची उल्लेख गर्दै उनले ६८ बुँदे योजना सार्वजनीक गरेका छन् ।

घोषणा पत्रमा पर्यटन तर्फ थिम पार्कको अवधारणा अनुसार देवदहलाई पार्कको शहर बनाउने, पार्कहरूमा रोजगारी सिर्जना गर्ने लगायतका बुँदाहरू समाबेस रहेका छन् । देवदहमा २००० जना अट्ने कोलिय सभागृह बनाउने, प्राकृतिक स्रोत साधनको अनियन्त्रीत दोहनलाई रोक्ने लगायतका योजना घोषणा पत्रमा छन् ।

त्यसैगरी शिक्षतर्फ १५० बढी विद्यार्थी रहेका विद्यालयमा नर्स राख्ने, देवदह आदर्श बहुमुखी क्याम्पसमा स्नातकोत्तर सुरु गर्ने, सामुदायिक र निजि शिक्षण संस्थामा कार्यरत शिक्षकको न्युनतम पारिश्रमिक तोक्ने लगायतका कार्यक्रम रहेका छन् ।

कृषितर्फ, सिंचाइको व्यवस्था, गाईभैंसी सुत्केरी भत्ता लगायतका योजना अगाडि सारेको समाजवादीले स्वास्थ्य तर्फ ६-६ महिनामा ६० बर्षमाथिका जेष्ठ नागरिकको संबंधित टोलमै पुगेर स्वास्थ्य जाँच लगायतका कार्यक्रम अघि सारेको छ ।