नयाँ आर्थिक वर्षसंगै लुम्बिनी र राप्ती प्रादेशिक अस्पतालबाट नि:शुल्क स्वास्थ्यसेवाको सुरुवात

सेतोमसी
श्रावण १, २०७९ आइतवार

नयाँ आर्थिक वर्षसंगै लुम्बिनी र राप्ती प्रादेशिक अस्पतालबाट नि:शुल्क स्वास्थ्यसेवाको सुरुवात

अ +
अ
अ -

बुटवल । बुटवलको लुम्विनी प्रादेशिक अस्पतालमा आर्थिक वर्षको सुरूवातसंगै आकस्मिक तथा बहिरंग सेवाको ओ.पी.डी. टिकट र जनरल बेड निःशुल्क सेवा सञ्चालन शुभारम्भ भएकाे छ ।

लुम्विनी प्रदेश सरकारको आर्थिक वर्ष २०७९-८० को निती तथा कार्यक्रममा उल्लेख भए बमोजिम प्रादेशिक अस्पतालमा निशुल्क बहिरंग (ओपीडी), आकस्मीक र जनरल वाडमा भर्ना हुने बिरामीहरुका लागि निशुल्क सेवा सूरु गरेकाे हाे ।

लुम्विनी प्रदेशका मुख्यमन्त्री कुलप्रसाद केसीले नि:शुल्क सेवाको सुभारम्भ गर्दै लुम्विनी प्रदेश सरकार जनताको स्वास्थ्यमा पहुंच स्थापित गर्ने उदेश्यका साथ काम गरि रहेको बताए।

लुम्विनी प्रदेश सरकारले प्रदेश सरकार मातहत रहेका लुम्विनी प्रादेशिक अस्पताल र राप्ती प्रादेशिक अस्पतालमा ओपिडी र इमर्जेन्सी टिकट तथा जनरल बेड निःशुल्क गर्ने घोषण गर्दै चालु बर्षको बजेटमा १ करोड ५० लाख रुपैया बिनियोजन गरेको थियो।

प्रदेश सरकारले बजेटमा घोषणा गरे बमोजिम प्रादेशिक अस्पतालमा उपचारका लागि आउने बिरामीहरुलाई ओपिडी र इमर्जेन्सीको टिकट तथा तथा जनरल बेडमा अव देखि कुनैपनि शुल्क नलाग्ने लुम्विनी प्रादेशिक अस्पतालका प्रमुख मेडिकल सुपेरीटेण्डेन्ट डा ईन्द्र ढकालले बताए।