देवदह । खैरेनी ग्लाडिएटर्स देवदह प्रिमियर लिग (डिपिएल) को फाइनलमा प्रवेश गरेको छ । आइतबार सम्पन्न दोस्रो क्वालिफायरमा ढेकावर योद्धालाई ३ विकेटले पराजित गर्दै खैरेनीले फाइनलमा स्थान बनाएको हो ।
डिसियू मैदानमा टस जितेर पहिले बलिङ रोजेको खैरेनीले ढेकावरलाई २० ओभरमा ७ विकेट गुमाउँदै १०३ रनमा रोकेको थियो । ढेकावरका लागि सम्राट थापाले ३०, तुलबहादुर थापाले २३ र रामनाथ कुर्मीले १६ रन बनाए ।
खैरेनीका अनिल यादव र रुपेश कुर्मीले समान २ विकेट लिए । जवाफी ब्याटिङमा उत्रिएको खैरेनीले १९.१ ओभरमा ७ विकेट गुमाएर लक्ष्य पूरा गर्यो । खैरेनीका संकेत भट्टराईले २७, सुरज सरुले २४ र अर्जुन घर्तीले २१ रन बनाए । ढेकावरका तुलबहादुर थापा र रञ्जित खड्काले समान २ विकेट लिए ।
यससँगै डिपिएलको उपाधिका लागि बिर्ता राइनोज र खैरेनी ग्लाडिएटर्सबीच प्रतिस्पर्धा हुने भएको छ । लिग चरणको खेलमा खैरेनीले बिर्तालाई पराजित गरेको थियो । तर, शनिबार सम्पन्न पहिलो क्वालिफायरमा सुपर ओभरमा खैरेनीलाई हराउँदै बिर्ताले फाइनलमा स्थान बनाएको थियो । अब दुवै टोली उपाधिका लागि पुनः आमनेसामने हुँदैछन् ।
डिपिएलको विजेता टोलीले २ लाख रुपैयाँ नगदसहित ट्रफी प्राप्त गर्नेछ भने उपविजेता टोलीले १ लाख रुपैयाँ नगद पुरस्कार पाउनेछ ।
डिपिएलका सबै खेल सेतोमसी डटकममार्फत प्रत्यक्ष प्रसारण हुँदै आएका छन् । सोमबार दिउँसो १ बजे हुने फाइनल खेल पनि सेतोमसी डटकमबाट प्रत्यक्ष प्रसारण हुनेछ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
.gif)