युगज्योति माविमा एसइई उत्तीर्ण विद्यार्थी सम्मानित

सेतोमसी सहकर्मी

युगज्योति माविमा एसइई उत्तीर्ण विद्यार्थी सम्मानित

अ +
अ
अ -

नविन लुइँटेल, रुपन्देही । देवदह नगरपालिका वडा नम्बर ६ स्थित युगज्योति माध्यमिक विद्यालयले विद्यालय शिक्षा परिक्षा (एसइई) उत्तीर्ण हुने विद्यार्थीलाई बधाई ज्ञापन तथा सम्मान कार्यक्रम सम्पन्न गरेको छ । सोमबार विद्यालमा एक कार्यक्रमको आयोजना गरि उत्तीर्ण विद्यार्थी सहित शिक्षकलाई सम्मान गरिएको हो ।

सम्मान कार्यक्रममा बोल्दै देवदह नगरपालिका वडा नम्बर ६ का अध्यक्ष खेम बाहादुर थापाले उत्तीर्ण विद्यार्थी, सफल शिक्षक र अभिभावक तथा विद्यालय व्यवस्थापन र प्रशासनलाई बधाई ज्ञापन गरे। त्यस्तै विद्यालय व्यवस्थापन समितीका अध्यक्ष खेम नारायण अधिकारीले आफू व्यवस्थापन समितीको अध्यक्ष भएपछि विद्यालयमा परिवर्तन ल्याउन सफल भएको र अबका विद्यार्थीहरुलाइ गुणस्तरीय शिक्षा कसरी दिन सकिन्छ भन्ने कुरामा अभिभावक र विद्यार्थी राय सल्लाह लिएर अघि बढ्ने बताए ।

कार्यक्रममा बोल्दै प्रध्यानध्यापक यमलाल अर्यालले विद्यार्थीहरुलाइ पढ्नको लागि विद्यार्थीमैत्री वातावरण गरेर अघि बढ्ने बताए । विद्यार्थीहरुलाई पढाइको लागि शिक्षक मात्र नभएर विद्यार्थी स्वयम् र अभिभावकको पनि महत्त्वपूर्ण भूमिका हुने उनको भनाई छ।