कोही भोटको बुइँ चडेर
संसद भवन जाने सपना बुनीसके
हिजो नमस्कार गरी खिसिक्क हाँस्नेहरु
झुलुक्क देखें पनि मुन्टो बाटार्ने भैसकें
मज्जा संग विरोधी देखिनेहरु
एउटै टेबलमा हाँसेका छन
झोला र झण्डा बोक्नेहरु
अब पाखा लागेका छन
कती बेला परिणाम आउँछ भन्दै
कुर्नेहरु गाँउशहर लागेका छन
तर,
त्यहाँ नजिकैको अर्को दृश्य भने
जस्ताको तस्तै छ
झन भीडभाड बढेको छ
लाइनको लम्बाई तन्केको छ
नत ती कसैको बुइँ चढ्न सके
न कसैको झोला बोक्न सिके
त्यसैले,
ती त केवल बुइँ चडेर
संसद भवन जानेहरुको
तलब भत्ता जोहो गर्न
परिवारको पेट पाल्नको लागि
पासपोर्ट बनाउँदै छन
जुन पासपोर्टमा श्रम सम्झौता गरी
जहाजमा उडने सपना बुनेका छन
- नारायण कोइराला
तानसेन,पाल्पा
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)