खुल्ला नक आउट फुटबल

भलुहीमा जारी खुल्ला नक आउट फुटबलमा देवदह ब्वाइजको विजयी सुरुवात

सेतोमसी
मंसिर २८, २०८२ आइतवार

भलुहीमा जारी खुल्ला नक आउट फुटबलमा देवदह ब्वाइजको विजयी सुरुवात

अ +
अ
अ -

देवदह । रुपन्देहीको देवदह भलुहीमा जारी खुल्ला नकआउट फुटवल प्रतियोगिताको आइतवार सम्पन्न खेलमा देवदह ब्वाईज विजयी भएको छ । सिद्धार्थ फुटबल क्लव देवदह-१० लाई शुन्य का विरुद्ध ९ गोलको फराकिलो अन्तरले पराजित गर्दै देवदह व्याईज देवदह २ विजयी भएको हो ।

खेलको पहिलो हाफमा आसमन थापाको गोल मार्फत १-० को अग्रता बनाएको देवदह ब्वाईजले दोस्रो हाफमा थापाको व्यक्तिगत ४, सुजल चिडीको २ तथा प्रेम मगरको २ गोल मार्फत फराकिलो गोल अन्तरको जीत निकाल्न सफल भयो । खेलमा व्यक्तिगत ५ गोल गर्ने थापा म्यान अफ दि म्याच घोषित भए ।

प्रथम ११ ए साईड नकआउट फुटबल प्रतियोगिता उपभोक्ता समूह र संघार समूह भलुहीको संयुक्त आयोजनामा जारी प्रतियोगिता अन्तर्गत सोमवार सम्पूर्ण फुटवल क्लव मधवलिया र मनोभव फुटवल क्लव बुटवल बिच हुने समूहका अध्यक्ष पुकार केसीले जानकारी दिए । खेल दिउसो २ः३० बजे हुने भलुही खेल मैदानमा सुरु हुने केसीले बताए ।

कुल १३ टिमले प्रतिष्पर्धा गर्ने प्रतियोगितामा विजेताले १ लाख ५० हजार सहित शिल्ड, मेडल र प्रमाणपत्र, तथा उप- विजेताले नगद ७५ हजार सहित शिल्ड, मेडल र प्रमाणपत्र प्राप्त गर्नेछन् ।

प्रतियोगिताका म्यान अफ दि म्याचले देवदह आर्चरी बाट खेल भौचर तथा आयोजकको तर्फबाट नगद एक हजार प्रदान गरिने जनाईएको छ ।

प्रतियोगिताका उत्कृष्ट खेलाडी तथा सर्वाधिक गोलकर्तालाई लाई जनही नगद ३ हजार पाँच सय र मेडल प्रदान गरिने आयोजकले जनाएको छ ।